KATATAPOS LANG NG MEETING NI Marko at kasalukuyan na lang siyang nagbabasa ng mga nakabinbing mga papeles na hindi niya natrabaho dahil sa paghahanap kina Clarise nang nagdaang araw. Napatigil siya sandali at napasandal sa swivel chair niya. Bigla lang niyang naalala ang pangyayari kanina nang kumakain sina Clarise at ang anak nito.
Sinenyasan kasi siya ni Yaya Bining na huwag munang lumapit sa mag-ina na ipinagtaka niya kaya tinanong niya ito kanina nang sila na lamang ang nag-uusap. Nahihiya raw kumain si Clarise. Nahalata raw ni Yaya Bining iyon dahil kakaunti lang ang kinuha nitong ulam at kanin samantalang ipinaalam naman niya ang sitwasyon ng mag-ina kaya alam nito na hindi pa nakakain ang mag-ina.
Hindi nga siya lumapit ngunit hindi siya umalis sa may likuran ng mag-ina. Nagkubli
