Irish Love Santiago, the owner of the prestigious jewel stores in NYC is engaged to entrepreneur, Jared Thompson.
Paulit-ulit na binabasa ni Irish ang title ng artikulong iyon sa kanyang monitor. Hanggang ngayon ay hindi pa rin siya makapaniwala sa balitang ito. Pakiramdam niya’y ibang tao ang tinutukoy nito bagaman nakikita niyang ang nasa larawan ay walang iba kundi siya at si Jared. Magkahawak-kamay sila at tila larawan ng isang perpektong magkasintahan.
Gayunman, kabalikaran ang nasa kalooban ni Irish. Hindi dapat si Jared ang kasama ko. Dapat ikaw, Keith.
Hindi nawala sa kanyang isipan ang binatang iniwan sa Pilipinas. Lingid sa kaalaman nito at ng nakararami, palihim niyang sini-search ang pangalan ni Keith sa internet kaya kahit malayo siya’y batid niya ang mga nagaganap dito. A
