Kahit na halos hindi nakatulog si Keith sa pag-iisip, nagawa pa rin niyang pumasok nang maaga sa opisina. Lugmok man ang kanyang kaluluwa ay batid niyang hindi dapat nadadamay ang De Asis Construction. Kaya niyang magtiis kung sarili niya ang nakataya. Ngunit ang kapakanan ng mga empleyado sa kompanya ang higit niyang priority. Ilang libo din sa mga ito ang umaasa sa trabaho upang may maihatid na biyaya sa kanilang mga pamiya.
Tama ang kanyang ama. Dapat ay kalimutan na niya si Irish dahil may sariling buhay na ito. Ngunit kahit isiksik niya sa isipan ang ideyang ito’y hindi naman umaayon ang kanyang puso.
Nasa kalagitnaan siya ng pag-iisip habang nakatanaw sa haliging salamin nang pumasok si Oswald.
“Good morning, Sir.”
Hindi siya sumagot. Nanatili siyang nakatalikod, hinihintay ang
