Nagpatuloy sa panonood ng concert sina Keith at Irish. Ngayon, mas tahimik na sila at magkahawak lang ng mga kamay. Nakasandal ang ulo ng dalaga kay Keith habang siya naman ay maya’t maya ang paghalik sa buhok at noo nito.
Kung minsan, kapag itataas ni Irish ang mukha ay ang mga labi niya ang hinahalikan ng binata, saka ngingiti sa isa’t isa at muling tatanaw sa singer na si Xavier.
“Nag-eenjoy ka pa rin ba kahit ganito lang tayo?” pabulong na tanong ni Keith sa tainga ng dalaga. May kasama pang halik sa pisngi ang paglapit ng mukha niya rito.
“Oo naman,” mahinang tugon ni Irish. “Sobrang saya ko kaya. I can stay like this forever, basta ikaw ang kasama ko.”
Lalong napangiti si Keith nang bumaba sa balikat ng dalaga ang kanyang mukha. Pasimple niyang dinampian ng banayad na halik ang p
