Hating-gabi na nang ihatid ni Keith si Irish mula sa pamamasyal. Pagkatapos kasi kay Xavier ay nanood pa sila sa hanay ng mga pelikula doon sa cinema. Kung sa concert ay nasa pinakaharapan sila nakaupo, sa sinehan ay sa pinakahulihan sila nakapuwesto. Tuloy, hindi mabilang ni Irish kung ilang beses siyang hinalikan ni Keith doon.
Mas tahimik pa sa daga nang tahakin nila ang madilim na living area. Gayunman, kapwa sila nakabungisngis at pinipigilang matawa. Bumababa kasi ang kamay ni Keith sa baywang ng dalaga upang ito'y kilitiin. Kapag pumapalag si Irish ay ikinukulong naman niya sa loob ng kanyang mga bisig.
"Keith, huwag dito," pabulong na saway ni Irish. "Tulog na ang mga tao. Baka may maistorbo pa tayo." Hinila niya ang braso ng binata hanggang sa makarating sila sa kusina.
"Malami
