NAIILANG si Luisita kay Jeff Mitchel habang nasa biyahe sila pauwi sa Mahiwaga. Ito ang unang pagkakataon na nailang siya habang kasama niya ito. Napatingin siya sa isang pumpon ng peonies sa kandungan niya. They were very lovely, ngunit hindi niya gaanong ma-appreciate ang ganda ng mga iyon. Ibinigay nito ang mga iyon sa kanya nang sunduin siya nito sa apartment niya.
Natapos na ang bakasyon niya kaya kinailangan niyang bumalik sa lungsod. Nanatili sa Mahiwaga si Cecilio. Sinikap niyang alamin kung ano ang nangyayari sa mga kaibigan nila, ngunit bigo siya. Wala siyang makuhang impormasyon. Si Eduardo ay bumalik na sa Mahiwaga. Si Yllen Stacy ay hindi siya magkaroon ng pagkakataong makausap. Nakikita pa rin niya itong kasama ni Sir Conrad, ang fiancé nito na alam niyang bakla. Tuloy pa ri
