“Ma, walang pakialam ang lalaking iyon kahit na muntik nang madisgrasya si Fausta!” sumbong ni Zen sa ina, nagsisilabasan ang mga litid sa leeg. Ang mga ugat niya sa kamay ay nag-iigtingan din sa mariing pagkakakuyom. Kahit na hindi pa sumang-ayon si Seb ay ipapahanap niya pa rin ang may-ari ng license plate.
“Calm down, Zen. Nagseselos lang siguro si Seb sa iyo pero baka naman nag-aalala talaga siya para kay Fausta.” Napahugot ng hangin si Zelaida. “Leave them alone, Zen. Ikakasal na sila. It’s time we fly back to Manila.”
“No, Ma,” matiim niyang pagsalungat. “Kailangan ako ni Fausta rito.”
Tinitigan siya ng kanyang ina. “Ipipilit mo pa rin ba ang kasunduan? Hindi mo ba nakikitang malabo nang magkatuluyan pa kayo? Give up, hijo. You will only hurt yourself. Sa ginagawa mo ay baka si F
