Nakahanap sila ng isang presentableng restaurant mismo sa public beach.
"Gagabihin din naman tayo pauwi, dito na lang tayo magpalipas ng gabi," wika ni Carter habang ini-enjoy ang in-order nilang pasta. "Napagod tayo parehas maghapon."
"Kailangan ko munang tawagan si Inay. Iniisip no'n sa mga oras na ito, pauwi na tayo," tugon ng dalaga.
"Sigurado kang okay lang sa iyo?" nag-aalalang tanong ni Carter.
"Mas inaalala kita. Magpahinga muna tayo, kaysa naman mag-drive ka nang kulang sa pahinga."
Tumango si Carter.
Pagkatapos nilang kumain ay dumeretso na sila sa beach hotel upang makapag-check in.
Pagkapasok ng kwarto ay kaagad tinawagan ni Allison ang kanyang ina.
"Naku, anak, buti iyon lang ang nangyari," nag-aalalang wika ni Aling Laura. "Ok naman ba kayo ni Carter?"
"Okay
