Ilang araw ang nagdaan, unti-unti ring naging maayos si Maya. Unti-unti ring bumalik ang dati niyang sigla. Isang araw ay nagising na lang siya na gusto na niyang kalimutan ang bangungot na nangyari sa kaniya at itutuon na lamang niya ang kaniyang atensiyon sa mga layunin niya sa buhay. Hindi na magtatagal at babalik na siya sa kolehiyo. Isang taon na lang ang pagtitiisan niya, at magsisimula na ang bagong kabanata ng kaniyang buhay.
Pati ang feelings niya kay Brad ay susubukan na rin niyang ibaon sa limot, tutal mukhang hopeless naman siya rito. Maraming dahilan si Brad para hindi siya gustuhin. Siguro nga ay iyon ang mas makabubuti para sa kanya, tutal ay distraction naman si Brad sa kanyang mga plano. Kahit na mahirap mag-move on sa isang bagay na hindi naman nagkaroon ng kaganaan, ga
