...
“A-Anong inatake sa puso? Ayos lang naman si Lola, ‘di ba?” medyo nanginginig kong tanong kay Mama.
“Ayos na ang Lola niyo, mild attack lang ang naramdaman niya,” sagot naman niya.
Nakahinga naman ako nang maluwag dahil do’n.
“Sige Ma, pupunta kami ni Jake d’yan sa ospital,” sabi ko.
Ibinaba ko na ang tawag bago ako napabuga sa hangin.
“Are you okay?” tanong ni Matthew habang pinipisil niya ang kamay ko.
Tumango lang ako at napaupo sa isang upuan do’n.
“Oy Ate, may problema ba?” biglang tanong ni Jake pagkalapit niya sa’min.
“Tumawag si Mama.”
“Ano raw sabi? Pinapauwi na ba tayo?”
“Kailangan nating pumunta sa ospital.”
“Ospital? Bakit naman? May nangyari bang masama?”
“Inatake sa puso si Lola,” sagot ko.
“Ano?! Kung gano’n, tara na.”
Hinila ako ng kapatid ko patayo pero
