“Nagbabasa ka ng horoscope?”
“Hindi, at wala akong pakialam sa mga kalokohan na yun.”
Matagal pinagmasdan ni Yolanda si Miguel. Paano nya kaya ito irereto kay Analiza na sinasabi ni Amethyst nang hindi ito naghihinala sa kanya kung paano nya nakilala ang babae? Naihilamos nya ang dalawang kamay sa mukha at saka yumukyok sa mesa. Wala na syang pakialam kahit pagtinginan pa sya ng mga tao sa paligid. Nasa food court sila ni Miguel ng isang kilalang mall.
“Uy! Umayos ka nga. Ano ba kasing meron sa horoscope?”
Nag-angat sya ng mukha. “Nabasa ko kasi sa horoscope na swerte raw ang mga lalaking balbasarado sa araw na ito. Ngayon nyo raw makikilala ang babaeng nakatakda sa inyo na nagsisimula sa letrang A.” gustong dagukan ni Yolanda ang kanyang sarili. Kahit tatlong taong gulang
