Chapter 48
*Saycie*
Nanginginig ang kamay ko habang inaayos ang mga gamit namin. Kinakabahan ako at parang hindi totoo. Hindi pa rin ako makapaniwala mula no’ng inabot sa’kin ni Jason ang ticket at passport namin ni Angelo.
“SAYCIE!” Biglang tawag sa’kin ni Jason. Napaigtad pa ako dahil sa gulat. Mabuti na lang at hindi ko nabitawan ang mug na hawak ko.
Kasalukuyan kong pinapakain si Angelo habang ako ay nagkakape. Maagang umalis si Jason dahil may aasikasuhin daw. At ngayon namang bumalik siya ay nagulat ako. Bigla na lang nagsasalita sa likuran ko at ang lakas pa ng boses.
Mabilis ko siyang nilingon at kakaiba ang mga ngiti niya. Nagniningning pa ang mga mata niya na parang may dala siyang magandang balita.
I smirk. “Sinagot ka na ni Vanessa?!” Excited kong tanong sa kaniya pero um
