DAHIL may pinagdaraanan pa si Ella, napilitan na lang si Julia na si Alexa na lang muna ang tawagan kahit na alam niyang oras pa ng trabaho nito nang ganoong oras.
“Girl, tama lang na sinampal mo siya, ‘no! Mabigat na akusasyon ‘yon!”
“Pero… kasalanan ko pa rin, Lex. Kung sinabi ko sana sa kaniya nang mas maaga, mas naipaliwanag ko pa sana, ‘di ba?”
Napabuntong hininga na lang ang kaibigan niya sa kabilang linya. “Alam mo, kung walang magbaba ng pride sa inyong dalawa, kung walang magre-reach out, kahit sino pa ang may mali ha, hindi kayo magiging okay. Worst, baka maghiwalay pa kayo. Kawawa naman si Jacob.”
SINUNOD ni Julia ang payo sa kaniya ni Alexa. Hinintay niya ulit ang pag-uwi ni Rob at kahit hindi naman nito sinasabi'y naghanda siya ng makakain nito. She cooked his favorite. N
