Nang magising ang diwa ni Ashiya, nasa kulay puting kuwarto na siya. May dextrose na nakasaksak sa kaniyang kamay. Bahagya pa siyang nahihilo pero pilit siyang tumingin sa kaniyang paligid. Nakita niya ang kaniyang Daddy na nakaupo sa tabi niya. Malamlam ang mga mata. Dalawang araw din itong hindi nakatulog sa pag-aalala sa kaniya.
"Kumusta ka na anak?"
Gusto niyang sumagot pero pakiramdam niya, tuyo ang lalamunan niya. Maya-maya, pumasok si Jeronne kasama ang doktor. Tiningnan nito ang resulta na nakalagay sa medical chart niya. Sumandal naman sa pader si Jeronne at tahimik na naghihintay sa sasabihin ng doktor.
"Excessive dehydration at gutom kaya biglang bumaba ang blood pressure niya. Mahihirapan muna siyang magsalita dahil medyo tuyo pa ang lalamunan niya. She needs complete bedres
