Binasa ni Miyuki ang file at sandaling tumahimik si Jeremy. Iginala niya ang kaniyang tingin sa loob ng opisina. Gawa sa narra ang lamesa ng head mistress at halos walang nakalagay sa ibabaw kundi lalagyan ng ballpen at name plate. May estante para sa mga plaque at trophies na napanalunan ng eskuwelahan sa mga sport events at pagkilala sa mga mahuhusay na estudyante.
Halos magpakamatay ang mga ordinaryong mamamayan para mapasama sa limampung scholars na kinukuha ng Daidojie Academy kada taon. Masuwerte si Jeremy dahil isa siya sa mga nakasama sa scholarship program na inumpisahan ni Sakura Daidojie, ang namayapang asawa ng kaniyang boss. Nagkaroon siya ng trabaho sa mga Daidojie pagkatapos niyang maka-graduate.
"Salamat sa pagdala mo rito ng plano ni Renji. Later, we will announce the su
