Ilang araw ng walang sigla si Dani.
Lagi siyang walang kibo, tulala at laging nakatanaw sa daan kung saan hinabol niya ang kanyang Kuya.
Dinamdam niya talaga ang pag-alis ng kuya niya na hindi man lang nagpaalam sa kanya.
Masakit talaga.
Nadudurog ang puso ko kapag nakikita na nagkakaganito si Dani.
Kumukulo ang dugo ko kapag naiisip na walang ibang may kasalanan ng lahat ng ito kung hindi si Jeofferson.
Siya at makitid at maliit niyang utak.
Nakakagigil.
Gusto ko siyang saktan, murahin o kaya ay iuntog ang ulo niya para matauhan at mapagnilayan ang lahat ng kanyang kasamaan.
Ang malaki ko na lang talaga na pinagpapasalamat ay ang madalas na pagtawag ni Uno para mangamusta ngunit ang problema ay ayaw siyang kausapin ni Dani.
Sa tuwing magvi-video call si Uno ay hindi siya pinapan
