BALAK pa sana nina Aru na pumunta kung nasaan ang kanilang pinuno matapos ang paglitaw ng mga hindi inaasahang kalaban, ngunit agad nga silang pinigilan ng batang si Hikin. Seryoso niyang sinabi sa mga ito na baka mamatay lamang sila sa kanilang gagawin.
“Pero nandoon si Pinunong Mars! Kailangan niya kami bilang tulong,” seryosong winika ni Aru na sinang-ayunan pa ng tatlo niyang kasama.
“Kapag sinabi kong huwag kayong pumunta ay gawin ninyo! Kaya na ni Mars ang kanyang sarili. Hindi ba ninyo nakita ang kanyang ginawa kanina? Isa pa, kung naroon kayo ay baka makasagabal lamang kayo. Isipin ninyo, kailangan niya kayong alalahanin habang nakikipaglaban. Dalawa na ang nawala sa grupo ninyo. Huwag na ninyong dagdagan pa!” Napaatras ang apat matapos ang sinabing iyon ni Hikin. Hindi nil
