BILANG pinuno ay si Seb ang umabante para lumaban kanilang mga kalaban. Hindi na niya kakailanganin ang tulong ng kanyang mga kasama sapagkat ang nais lang niya ay panoorin siya ng mga ito. Isa pa, napakatagal nang panahon na rin nang huli siyang mapalaban.
Nakita ni Seb ang pagsugod sa kanila ng mga naglalakihang elemental dragon. Parang nagbalik nga sa kanyang alaala ang huli niyang laban noon sa Dakoroso.
“Kaya ba ninyo akong talunin?” tumatawa niyang tanong noon kina Hikin, Gaia, Umi at Theoi.
“Parang kahapon lang,” kalmadong winika ni Seb at doon ay pinagmasdan lang niya ang tatlong dragon at gamit pa lamang ang kanyang mga tingin ay nagawa niyang mapahinto ang mga iyon nang walang kahirap-hirap.
Sina Venus, Terrance at Neptune ay mabilis na nagulat sa mga nangyari.
