BUMAGSAK sa lupa si Mars at hindi na niya kinaya ang pagod at sakit na dulot ng kanyang mga sugat. Dito na nga mabilis na kumilos si Lylia upang gamitin ang huling botelya ng pampahilom na nasa kanya. Mabilis niyang ipinatak ang laman noon sa binata at mababakas sa mga mata ng prinsesa ang labis na pag-aalala rito.
Nagliwanag ang likido at unti-unting naging maayos ang katawan ni Mars. Nang maramdaman ng binata na maayos na ang pakiramdam niya ay nagmadali siyang tumayo at tumakbo.
Nabigla nga si Lylia roon at mabilis na hinabol ang binata.
“Kailangan kong magmadali,” bulalas ni Mars at mabilis na inilagay sa lalagyanan ang kanyang espada. Nais pa sana niyang balikan ang nakalaban niyang si Rhion pero nararamdaman na rin naman niya ang pagpunta nina Haring Meynard. Kung hahabol
