ANG MGA MAHARLIKA sa Elementalika ang mga natatanging nilalang na kayang magpalabas ng mga dragon mula sa kanilang mga elemental na kapangyarihan. Nang makita nga niya ang isang dragon na mula sa itim na aura ng kalaban ay napaseryoso siya. Ito na nga ba ang ikalimang elemento na narinig ni Mars?
Nang lumabas at lumipad sa ere ang bagay na iyon ay nakaramdam ng pagkabog ng dibdib ang prinsesang si Lylia. Ang kanyang pinapakawalang kapangyarihan ay bahagyang humina kaya tila nawawalan si Mars ng balanse sa ere habang sila ay lumilipad.
“Kaya mo pa bang samahan ako?” tanong ni Mars sa prinsesa. Maging siya nga ay hindi na maganda ang pakiramdam nang mga sandaling iyon. Nakita niya ang paglipad at pagtuntong ni Rhion sa ulo ng kanyang dragon. Nagpatuloy iyon sa paglipad hanggang sa hu
