Lilo
"Love, nakita mo ba iyong envelope na pinatong ko sa ibabaw ng drawer?" tanong ni Lyndon habang binobotones ang suot niyang pulo. Sinundan niya ako dito sa loob ng kusina.
Natigilan ako. Hindi lang ito ang unang beses na pagtatanong niya sa akin. Binibiro ba niya ako? Tinigil ko ang paggawa ng pagkain niya at matamis siyang nginitian.
"Dinala mo iyon kahapon sa opisina di ba? Ako pa nga ang nag-abot sa iyo sa sasakyan. Binibiro mo ba ako? Panay tanong ka kahapon pa ah." Sinabayan ko ng tawa ang sinabi.
Nagkamot siya ng batok. Nagsalubong ang mga kilay pagkatapos ay tumingala sa ceiling para mag-isip.
Namaywang ako. "Naalala mo na ba?" ulit ko.
Bumuntong-hininga siya sabay tango. "Yeah. I remember it now. Sorry sa abala." Lumapit sa akin at hinalikan ako sa pisngi.
Inayos
