Lilo
Humigpit ang yakap niya sa akin. Para akong mapipisa. Pinagpapalo ko siya sa likod.
"Bitawan mo nga ako! Ayaw kong ng makita ang pagmumukha mo! Hindi ko na kayang paabutin ng dalawang taon ang pagsasama natin! Lumayo ka sa akin!"
Pinipilit kong kumawala sa mga bisig niya ngunit mas malakas siya.
"Huwag mong sabihin 'yan, Lilo. Pinaghirapan mo nga akong maging asawa tapos madali kang susuko."
Kumulo ang dugo ko sa kaniya. Gago siya! Paano niya nasasabi ang mga salitang ito? "Hindi na ngayon, Lyndon! Tapos na ako sa kahibangan ko sa iyo!" sagot ko ng mariin. Tinulak ko siya ng malakas kaya nakawala ako mula sa mga bisig niya.
Namumula ang buong mukha niya. Pero ang hirap magsinungaling. Nakakaawa siya sa mga oras na ito. Ramdam ko kung gaano siya nasasaktan. Ganito pala ang
