Hindi tago itong napuntahan naming bahay sa La Paz. Parang simpleng bahay lang na nakahanay sa mga malalaking bahay sa isang subdivision.
Hindi ko mawari kung dapat ba akong magpasalamat na hindi na naulit pa ang nangyari kanina sa kawawang babaeng nakasama namin sa van? Sapagkat totoo ngang may checkpoint noon sa unahan at inutusan nila ang babae na magpanggap na isang kawani ng kunwaring kompanyang pinapasukan niya. At kami ay ang mga kunwaring trabahador din na kinontrata. May ipinakita pang papeles. Na halatang gawa-gawa lamang.
Alam ko kung bakit tumagal ang titig ko roon sa dalawang pulis at sundalo, gusto kong malaman nilang may dala kaming bihag. At yung babae, hindi pa ba halata na galing ito sa isang masamang sitwasyon? Halos mamugto na iyong mga mata!
Kung hindi ko lang inii
