King Dylan
Pagmulat ng aking mata ay ramdam ko ang pangangatog ng aking katawan marahil dulot ito ng espadang tumarak sa 'king tagiliran. Ang mga kamay at paa ko ay nakagapos mula sa bakal kaya't mahirap kumawala. Sinubukan kong magpumiglas sa pagbabakasakaling makalas ang kadena ngunit mas lalong kumirot ang sugaw sa 'king tagiliran. Iniiwasan kong dumaing dahil hindi ko nais na makita ni Federico na ako ay nanghihina kahit pa ganito ang aking sitwasyon.
Napatingin ako sa 'king tagiliran at ang dugo ay patuloy na dumadanak. Patagal nang patagal ay mas lalo kong nararamdman ang panlalamya.
Mabilis akong pumunit ng kapirasong tela mula sa 'king kasuotan. Itinapal ko ito sa 'king tagiliran upang kahit papaano'y matakpan at panandaliang tumigil ito sa pagdurugo.
"Gising na pala ang bastar
