Scarlett
Dagundong na kulog ang umalingawngaw sa kalangitan kasabay ng napakalakas na kidlat. Lahat ay gulat na gulat, isa itong masamang senyales tungkol sa kalagayan ni Haring Dylan.
"Tuluyang napaslang ang hari," walang ganang sambit ni Inang Bathaluman na ikinagulat naming lahat.
"Anong ibig mong sabihin?" hindi makapaniwalang tanong ni Haring Spencer.
Sandaling binuksan ni Inang Bathaluman ang kaniyang palad at doon ay nasilayan namin si Haring Dylan, kung paano siya sinaksak ni Samara. Ang babaeng higit niyang pinagkatiwalaan ay pinaslang siya. Ngunit hindi, hindi siya mamamatay dahil sa binhi na binigay ko sa kaniya na nakaukit sa kaniyang dibdib.
"Hindi pa katapusan ng Hari dahil ang binhi na ibinigay sa 'kin ni Krymo ay nakaukit na sa dibdib ng Kamahalan. Paglipas ng mahigit
