Scarlett
"Pero, Krymo, kailangan tayo ni Haring Dylan at-"
"Palagi na lang bang Hari? Siya lang ba ang mahalaga, Scarlett?" tanong niya na may halos pagkayamot.
"Hindi mo ba talaga maunawaan ang punto ko, Krymo? Na sa loob tayo ng isang Kaharian at iisa lang ang mundo natin. Kailangan nating maging responsable hindi lang para sa sarili natin," paliwanag ko.
"Napakadali kong kausap, Scarlett. Hindi mo 'ko kailangan turuan dahil may sarili akong pag-iisip at hindi ako nakalilimot sa mga responsibilidad ko rito sa Haleia bilang isang Diyos. Ang tanging hiling ko lang ay maging payapa ang mundo ko kasama ka, at 'yon ay kung pipiliin mong sumama sa 'kin at magtungo sa malayo."
Napahinga ako malalim bago sabihin, "Walang araw na hindi ko ginustong makilala ka at makasama, pero Krymo, higit
