UNFAITHFULLY YOURS
Joemar Ancheta
Chapter 21
Daniel’s Point of View
“Daniel, isa pa pala, huwag mong tinuturuan si James na magsinungaling.”
“Po?”
“Nagtext yan kanina sa akin na hinihintay ka niya at wala siyang ensayo ng basketball. Nagtaka na lang ako na gano’n ang sinabi niya sa Papa mo. Alam kong hindi sinungaling ang kapatid mo. Mapagbiro, hindi seryoso at hindi din gano’n katalino ngunit hindi ko kayo pinalaking sinungaling.”
“Sorry po ‘Ma. Alam kong pinagtakpan lang niya ako kay Papa para hindi ako gulpihin.”
“At natutuwa ako sa ginawa niyang iyon. Naramdaman kong kahit papaano, ipinagtatanggol ka ng kapatid mo kaya sana huwag mo rin siyang ipahamak. Hangga’t kaya mo pang hiwalayan yang sinasabi mong mahal mo
