"You are not jealous, honey," saad ni Samuel sabay yakap sa akin mula sa likod.
Tapos na kaming mananghalian. Pinagtutulungan naming hugasan ang mga plato habang pinag-uusapan namin ang tungkol kay Alice. Hindi ko alam kung bakit bigla niya na lang akong niyakap.
"Alice is just—"
Mabilis akong tumugon. "What if I am?" Itinigil ko ang ginagawa at ikinapit ko ang aking mga kamay sa gilid ng lababo. Nagseselos talaga ako. "Hindi mo maiaalis sa akin na magselos, honey. Ang suwerte niya. She have you—"
"Had, Lea," pagtutuwid niya. "She had me. Noon pa iyon. It's been three years since Alice and I broke up."
"Nagkikita pa ba kayo?"
"Last time na magkita kami ay nang puntahan niya ako sa office. Naroon ka nang araw na iyon, di ba?"
Hinarap ko siya at kumapit ako sa magkabila niyang bisig.
