Napapangiti ako sa aking sarili habang pinagmamasdan ang aking repleksiyon sa malaking salamin. Alas singko pa lang ng hapon pero naroon na ang make-up artist na siyang mag-aayos sa akin. Narito kami ngayon sa isang sikat na hotel sa probinsiya namin kung saan gaganapin ang ikalabing walong kaarawan ko.
Alas siyete magsisimula ang program para sa debut ko. Excited ako hindi dahil sa engrandeng celebration na ito kundi dahil dadalo si Samuel. Ang sabi niya ay maaga siyang darating. Na-mi-miss ko siya kahit ilang oras pa lang kaming nagkakahiwalay.
"Ang ganda po ng anak ninyo, Ma'am Dina," wika ng baklang make-up artist. Nilalagyan niya ng lipstick ang labi ko. "Ang suwerte ng magiging boyfriend nito."
"Siyempre mana sa akin ang anak ko," tugon ni mommy at hinaplos ang magkabila kong bal
