Alas sais y medya ng umaga nang magising ako. Ako na lang mag-isa sa kama. Wala na si Samuel.
Parang gusto kong umiyak nang mga oras na iyon nang maalala ko ang nangyari kagabi. Sa kama ko nga natulog si Samuel, magkatabi kami pero tila estranghero kami sa isa't isa. Oo magkahawak ang kamay namin pero hanggang doon lang iyon. At ang halik na inaasahan ko ay naglaho na naman na parang bula.
Ang sarap niyang sampalin. Ang sarap niyang sabihan na maghiwalay na kami kasi ganoon din naman. Nobya niya ako pero ni halik sa labi ay hindi niya magawa. Hanggang halik lang siya sa noo. Palagi niya akong niyayakap pero hindi nagtatagal ay agad siyang bumibitaw na para bang napapaso siya sa balat ko. Ano pa ang silbi ng relasyon namin kung hanggang tingin lang kami sa aming labi?
Nakasimangot ako n
