Kinabukasan nagulat ang binata pagkagising.
“Anong ginagawa mo dito sa kwarto namin ni Bunso? Ang aga-aga pa nambubulabog ka na.” Pupungas-pungas na tanong ng binata ng mabungaran ang kanyang asawa.
“Bumangon ka na diyan at nakahanda na ang almusal.”
“Alas singko pa lang almusal na ang aga naman.”
“May lakad tayo kaya maagang nagluto si Nanay.”
Napilitang bumangon ang binata at magkasunod silang nagpunta sa kusina.
“Saan ba ang lakad natin?”
“Pupunta tayo sa doktor para ma check-up ka.”
“Sa Calapan na lang kayo magpunta, kumpleto ang aparato doon” Mungkahi ng ama ng binata na nagkakape.
“Ang layo naman dyan na lang sa bayan.”
“Bakit may gagawin ka ba?” Singit na tanong ng dalaga.
“Wala naman po Ma’am bawal daw akong magtrabaho eh sabi ng Nurse ko.”
“Wala naman pala eh sige na
