Nang maiwang mag-isa ang dalaga naiiling na lang siya ng maalala ang walang kwenta nilang usapan ng binata. Magaling itong makiharap at makipag-usap sa tao subalit parang kulang nga ito sa experiensya sa pakikipagrelasyon. Nagagawa lamang nito ng tama ang kanyang papel bilang kunwaring asawa niya dahil sa pagiging maginoo nito.
“Bakit nga kaya kahit ang matatalinong tao nagiging torpe pagdating sa larangan ng Pag-ibig?” Naitanong niya sa sarili.
Tumayo ang dalaga mula sa kinauupuan at inaliw ang sarili sa pagtunghay sa ibaba. Pinanood niya ang napakaraming tao na pulu-pulutong sa malalapad na mesa na abalang kumakain habang naghuhuntahan.
Napansin niya na hiwalay ang grupo ng mga prominenteng tao sa mga ordinaryo. Pero ang kanilang lolo kung saan-saan nagagawi. Masaya rin ang kanyang
