Napansin siya ng binata. Mabilis na pinatakbo din nito ang sinasakyang kabayo na hindi na nagawang magpaalam pa sa matanda. Kidlat sa bilis na hinabol ang nagwawalang kabayo ng dalaga.
“Huwag kang bibitaw umayos ka lang!” sigaw nito habang animo’y nagkakarera sila.
Nang makakuha ng tyempo sinaklot siya sa bewang ng binata na tila isang sisiw siyang dinagit ng isang lawin mula sa likod ng nagwawalang kabayo at ligtas siyang naibaba nito sa lupa.
Napayakap siya sa binata dahil sa takot matapos itong mabilis na umibis sa sinasakyang kabayo upang siya’y daluhan.
Nakamasid lang ang matanda na nagulat din sa pangyayari. Natuwa siya sa panonood ng para bang eksena sa isa sa mga pelikula ni Lito Lapid.
“ Safe nga ang apo ko sa lalaking ito hindi siya nagkamali ng pagpili ng asawa, Nakuha
