SABADO na at naisipan kong bisitahin ang Hacienda del Chaos na ipinangalan sa akin ni Papa.
Naisip ko ay ilang linggo na ako rito pero ang haciendang ito na katabi lang ng mansyon ay hindi ko pa nabibisita.
Hindi maalis sa akin ang galak na sa wakas ay makikita ko na ang buong hacienda kaya kahit alas sais pa lang ng umaga ay nakabihis na ako.
Suot-suot ko ang kulay brown kong sumbrero na nalilipad sa tuwing humahaplos ang hangin sa aking balat. Nagsisilaglagan at liparan na rin ang mga tuyong dahon ng mangga na nasa aking tabi. Sumasama na tuloy liparin ang suot kong tshirt at cargo pants. Nakaboots pa ako dahil sa tingin ko'y maglalakad ako ng matagal.
Mula sa aking kinatatayuan ay tanaw ko ang iilang mga tao namin na abala sa pag-spray sa mga tanim na sibuyas. Nakasuot rin ang m
