“Ano nang balita?” bungad ko sa taong kanina pang umaga ko tinatawagan.
Dalawang linggo na ang lumipas mula noong huli kaming nagkita ni Bella. Halos dalawang linggo na rin mula noong nangyari ang engkwentrong iyon.
Usap-usapan sa buong bayan ang mga natagpuang bangkay ng mga tao sa kagubatan ng Pagudpod. At yun ang mga labi nila Rax at ng kasamahan niya. Bali-balitang umaalingaw-ngaw ang amoy ng mga ito sa kagubatan at naging dahilan niyon para ang mga taong nasa kabilang baryo ay hindi na magtangkang dumaan pa lugar na iyon.
Nagdulot naman ito ng matinding aberya lalo na sa karamihan. Karamihan sa mga ito ay balikbayan at syempre mga turista na gustong makarating ng Norte.
Nakarating ang nangyaring iyon dito sa Ilocos Sur. Dahilan upang ang mga reporters rito ay magkaroon ng mala
