TAPOS na ang misa at di na ganoong mainit rito sa loob ng simbahan. Nagsilabasan na kasi ang mga tao at iilan na lang ang natira rito sa loob.
Kanina ay sobrang init dahil halos puno na ang simbahan sa dami ng tao. Hindi rin ganoong makahinga dahil sobrang siksikan. Basa na rin ang mga likod namin kahit pa hindi naman ganoon kainit rito sa harapan. Medyo nahilo na rin ako sa magkakahalong pabangong naaamoy ko.
Nilingon ko ang aking likuran sa pag-asang makikita ko pa sila ngunit napawi ang aking pag-asa dahil gaya ng iba ay nakalabas na rin sila.
Sino kaya ang lalaking kasama ni John? Hindi naman ito nagmumukhang kapatid ni John dahil hindi naman sila magkamukha at halatang magkasing edad lang sila.
Bigla kong naalala si Chaos. Baka kilala niya? Nagulat lang kase ako dahil nakikita k
