Kabanata 23
KABADONG-KABADO si Angel nang lumapag ang eroplano na sinasakyan papunta sa Tagbilaran City Airport. Hindi niya mapigilang huwag tumingin sa labas ng eroplano. Wala pa rin itong pinagbago. Parang kailan lang ay nandito siya sa Bohol. Gumuhit ang ngiti sa kanyang labi dahil labis niya talagang na-miss ang lugar.
“Tara na?” wika ni Dominic nang pwede na silang lumabas ng eroplano. Hindi pa sila nakapasok sa airport nang may lumapag na namang eroplano at galing iyon sa Manila.
“Dito ka muna, Angel. May kakausapin lang ako saglit for our tickets pabalik.”
“Okay, dito nalang kita hihintayin Dominic.” Ngumiti si Angel sa lalaki. Nang tumalikod ito nagtungo siya sa bench. Medyo nakakangalay din ang pagtayo lalo pa’t nakasandal siya.
Habang naghihintay ay iniisip ni Angel si Sta
