KABANATA 16
1171 Words
**NOSGEL POINT OF VIEW**
Pagpasok ko sa opisina kinabukasan, sinalubong ako ni Benjo sa hallway. Mukha siyang isang walking nervous breakdown loose tie, eyebags na pang-kalendaryo, at hawak-hawak ang clipboard na parang extension ng kaluluwa niyang pagod na pagod na.
“Nosgel,” bulong niya, nanginginig ang boses, “please, kung may awa ka… itigil mo na ‘tong pakulo n’yong dalawa.”
Napakunot ang noo ko habang nilalapag ang tote bag ko sa desk. “Anong pinagsasasabi mo?”
“Bible study. Wednesday. 5PM. Mandatory.”
Napatingin ako sa kanya, natigilan. “HA?! Pati ‘yon pinasok niya sa schedule mo?”
“Dalawa ‘yung kailangan kong i-schedule ngayon: ang pagninilay sa Proverbs at ang pagpapa-terminate ng dalawang long-time vendors dahil at I quote ‘their energy doesn’t align with the Christian mission of Monteclaro Group.’”
Tumitig lang ako sa kanya, speechless.
“Isa sa kanila supplier ng office pan de sal,” dagdag niya. “Alam mo ba kung gaano kahirap humanap ng supplier ng pandesal na ‘di madurog pag nilagay sa tray?!”
Napakagat ako sa labi para ‘di matawa. “Pero ‘yung Bible study... seryoso ba ‘yan?”
“Seryosong-seryoso. May pa-topic na. ‘Spiritual Discipline in the Workplace: Finding God Between Deadlines.’” Nilabas niya ‘yung isang crumpled paper. Nakaprint. May format. May outline. May hymnal suggestion.
“Girl,” bulong niya, “tumutugtog na ako ng Hillsong sa playlist natin para lang ‘di siya mapikon. Pero kahit ‘yung mellow version ng ‘Oceans’ hindi sapat. Wala na akong kapayapaan.”
Napatingin kami pareho sa glass wall ng opisina ni Aethan.
He was there. Nakaupo sa swivel chair. Eyes closed. Mukhang nagme-meditate. Nakapatong ang isang kamay sa ibabaw ng Bible, ‘yung isa hawak ang ballpen. I’m not even sure kung humihinga pa siya o nag-a-astral projection na siya papunta sa langit.
“Benjo,” sabi ko, “gusto mo ba ng spiritual deliverance o sick leave?”
“Kung puwede lang, pareho.”
“Bakit hindi mo kausapin si Father Carlos? Baka puwede siyang maging… divine consultant. Imbes na ikaw lagi ang punching bag.”
“Hindi ko na nga siya ma-reach. Busy yata sa parish retreat.”
“Baka pwede mo namang iresched ang Bible study next week? Lagyan mo ng ‘pending approval’ sa calendar invite.”
“Subukan ko,” sabay buntong-hininga. “Pero ‘pag biglang dumating siya may dalang holy water, ilalagay ko na lang sarili ko sa trash bin. At least recycled ako.”
Natawa ako nang mahina. Pero somewhere deep inside, na-guilty rin ako. Kasi oo, inumpisahan ko ‘tong lahat as a fake dating revenge plot but Benjo?
Wala naman siyang kasalanan sa mundo. Pero siya ang pinakanasagasaan.
Mga 11:30AM, lumabas si Aethan mula sa office niya. Tahimik. Mapagmatyag. Nakasuot na naman ng off-white linen polo na parang laging galing Visita Iglesia. Nilapitan niya si Benjo.
“Benjo,” bati niya, “how’s our schedule?”
Ngumiti si Benjo na parang may sapilitang kapayapaan. “All set, sir. Bible study this Wednesday, five sharp. Two vendor meetings both termination. HR approval pending. Drafts sent.”
“Very good.” Tumango si Aethan. “Don’t forget to add Psalm 73 as the closing prayer.”
Napanganga ako.
Si Benjo? Tumango lang ulit, slowly. “Yes, sir. Will do.”
Pag-alis ni Aethan, napaupo si Benjo sa edge ng desk niya. Hawak ang templo. “Alam mo bang pinapanaginipan ko na ‘tong opisina? Na para akong nasa retreat house pero may deadline?”
Lumapit ako. “Alam mo, baka kailangan mo talaga ng kaunting break.”
“Hindi break ang kailangan ko, Nosgel,” sabi niya habang nakatitig sa screen. “Kailangan ko ng exorcism sa Google Calendar ko.”
Natawa ako, pero totoo he was suffering.
Kinahapunan, sinimulan ko siyang tulungan. Binasa ko ‘yung draft ng termination letter para sa dalawang vendors.
“‘Due to spiritual misalignment and inconsistency with company values…’ seryoso ‘to, Benjo?”
“Wala akong choice. Siya mismo ang nagsulat ng phrasing.”
“Pero ‘yung isa sa mga vendor, supplier ng scented gel pens. Anong kasalanan nila?”
“Wala raw sa kanila ang nag-reply with ‘God bless’ sa last email thread.”
Mapapaluha na talaga ako. “Grabe. Even email etiquette kailangan holy.”
Maya-maya, may lumapit na delivery guy. May dalang box.
“Delivery po for Sir Benjo Ramos, Monteclaro Group.”
“Saan galing?” tanong ni Benjo.
“From Veritas Bookstore po. Inorder po ni Sir Aethan.”
Binuksan ni Benjo ang box. Laman? Twenty pieces ng mini-Bible, pocket-sized. May naka-engrave pa: “Spiritual Tools for Daily Grind.”
“Gagamitin daw sa Bible study,” sabi ng delivery guy bago umalis.
Tumayo ako. “Okay, tama na. Kailangan natin ng intervention. Hindi puwede ‘to.”
Si Jilly, biglang sumingit. “Sinasabi ko na nga ba. Dapat ‘yung fake girlfriend plot mo may boundaries.”
Napatingin ako sa kanila. “Fine. Gagawa ako ng paraan.”
“Anong plano mo?” sabay tanong ni Jilly at Benjo.
“Hindi ko pa alam. Pero ‘pag hindi ko to inagapan, baka magpa-Baptism na ‘yan every Monday morning.”
Tumango si Benjo. “At baka ‘yung next na matatanggal, ako na.”
“Hindi puwede ‘yan.” Lumapit ako sa pinto ng office ni Aethan, huminga nang malalim. “Time for a small miracle.”
Kumatok ako. “Sir, can I talk to you?”
“Come in,” sabi niya, calm as always.
Pumasok ako, dala ang isa sa mini-Bible.
“Sir, napansin ko lang... ang dami na po nating spiritual activities lately. Nakaka-bless po, pero baka kailangan po nating i-balance.”
Ngumiti siya. “Balance is important. Why, do you feel overwhelmed?”
“Hindi po ako, pero si Benjo... I mean, I think he needs time to rest. You know, restore the temple of the body.”
Tahimik siya sandali. Tapos tumango.
“You’re right. I’ve been too focused on feeding the spirit, I may have neglected the vessels.”
“Vessels po?”
“Benjo and the team.”
Okay... medyo weird, pero gets ko.
“I’ll let him rest. You, too. I value your honesty, Nosgel.”
Ngumiti ako. “Of course, Sir. Blessed be the work week.”
Paglabas ko ng office, sinalubong ako ni Benjo.
“Ano’ng sabi niya?”
“Pinayagan kang magpahinga.”
Tumulo halos ang luha niya. “Totoo ba ‘yan o baka dream sequence lang ‘to?”
“Totoo, Benjo. Salvation is here.”
At habang nag-aayos siya ng gamit niya, kita ko ang bigat na nawala sa balikat niya.
Sa gitna ng lahat ng fake dates, fake prayers, and fake vibes... at least may isang tunay: ang pagpapahinga ng isang loyal assistant.
Isa lang ang alam ko: kung si Aethan ay may “Holy Mission,” kami ni Benjo may “Operation: Survive the Messiah Boss.”
- Writer
