Wala na nagawa ang kasamahan ko nang magsimulang lumapit ako kay Doktor Thiago para alamin ang anumang alam niya na hindi pa niya nasasabi sa amin. Ngunit laking gulat ko nang maramdaman ang pagsunod sa aking likuran ng iba naming kasamahan.
Taas kilay ko naman na nilingon silang lahat. Pagkaalam ko kasi ay wala silang mga balak na pakinggan ang anumang sasabihin ng doktor. Labis labis pa nga ang ginawa nilang pagkonyra kanina.
Naghalukipkip ng kanyang braso si Teddy nang mapansin ang nagtatanong tingin na binibigay ko sa kanila ngayon. "S-Sasamahan ka na namin sa kanya," nagtataray na pagdadahilan niya, "Sa ganoon ay maprotektahan ka namin kung may masamang gagawin siya sa iyo, Vana. Iyon lang iyon, promise!"
Ilang metro lang naman ang distansiya namin sa henyong doktor para samahan ni
