*Isang araw bago ang kanilang pag-aalsa...*
Masamang balita ang dumating sa grupo ng mga ice-type nang tipunin muli sila sa loob ng training room. Inaasahan na nila na wala roon si Axton dahil sa itinago nina Devon at Ace ang binatang survivor sa isang ligtas na lugar. Pero hindi nila akalain na pati pala si Myles ay mawawala sa kanilang pwersa.
Ayon pa sa mga kwento ng miyembro ng wind type ay may grupo ng gwardiya na nagtungo sa kanilang kwarto kagabi at pwersahan na lang kinuha si Myles. Inakala nila na panandalian lang ang pagkuha na ito katulad ng dati. Subalit dumating ang umaga hanggang sa dalhin sila rito na hindi pa rin bumabalik ang kanilang lider.
Kaya ganoon na lang ang labis na pag-aalala nila bago naisipang lumapit kina Doktor Thiago para ipaalam ang pangyayaring ito. Nat
