"V-V-Vana...?" gulat na gulat na sambit nina Flare at Devon nang makita nila na nagising na ako.
Agarang nilingon ko naman sila at malapad na nginitian. "Long time no see guys..." madamdaming pagbati ko naman sa kanilang dalawa.
Mahigit dalawang linggo lang naman ang nagdaan sa realidad pero ang pakiramdam ko ngayon ay parang isang taon ako nasa ibang lugar. Kaya ganoon na lang din ang saya ko na makita silang dalawa. Na-miss ko rin ang dalawang ito.
"Vana!"
Nagulat na lang ako nang nag-uunahan sila at dambahin ako ng yakap. Ramdam ko rin ang pagtutulakan nilang dalawa sa isa't isa habang pilit na sumasakop ng yakap sa akin.
Napailing na lang ako ng ulo dahil hanggang ngayon ay hindi pa rin sila magkasundo na dalawa. Wala ako alam sa dahilan ng iringan ng dalawa pero umaasa ako na bal
