Pigil ang hininga nilang lahat pagkatapos na tanggalin na ni Doktor Thiago ang itinurok niyang injection sa braso ng dalagang survivor. Umaasa silang lahat na hindi pa huli para iligtas ang buhay ni Myles. Na sana gumana pa ito bago tuluyan na malagutan ang dalaga ng hininga.
Makalipas ang ilang sandali ay sinubukan muli na pulsuhan ni Doktora Andrea ang dalagang survivor ngunit malungkot na napailing siya ng ulo. Ibig sabihin wala pa rin pagbabago sa kalagayan nito.
Doon ay mabilis na tumabi si Willa sa kanilang lider. "Come on! Umepekto ka..." kinakabahan na sambit pa niya bago mahigpit na hinawakan ang lupaypay na kanang kamay ni Myles, "Myles, please, please lumaban ka na mabuhay... K-Kailangan ka pa ng ating grupo. Hindi pwede na mawalan kami ng aming lider!"
Nangilid ang luha sa m
