DANIELLA
MALAPIT ng mag-alas syete nang magising ako kaya naman mabilis akong nagpunta sa CR at agad na naligo, hindi alintana ang lamig na dulot ng tubig.
Alas otso ang pasok ng trabaho ko sa Zaldivar Group, at alam kong ang pagiging late ay hindi magandang impresyon, lalo na sa isang prestihiyosong kompanya. Napasarap kasi ang tulog ko kagabi dahil sa sobrang pagod mula sa part-time job ko sa GeeGee Coffee Shop. Nag-overtime pa ako, sinulit ang bawat oras para sa dagdag na kita. Kaya halos alas dose na nang makauwi ako, bitbit ang antok at pagod.
Ang body clock ko talaga ay naka-set na bago mag-alas sais ng umaga, dapat gising na ako. Madalas pa nga kahit walang alarm, nagigising na ako ng kusa. Pero ngayong may mga part-time job na ako sa gabi, tila magiging normal na ang ganitong k
