Chapter 32
“Mabuti pang si Sayah ang magdesisyon kung ano ang dapat nating gawin.”
Naituro ni Sayah ang kaniyang sarili dahil sa narinig mula kay Zico. Napatingin din sa kaniya si Tala pati na ang tatlong lalakeng umatake sa kaniya kanina. Hindi makapaniwala ang itsura ng mga ito.
“Ikaw na ang magdesisyon kung ano ang dapat na gawin sa kanila, tutal ikaw naman ang ginawan nila ng kasalanan,” sabi ni Zico.
Hindi alam ni Sayah kung ano ang kaniyang sasabihin. Nakatingin lamang siya kay Zico. Wala naman siyang pakialam sa mga ito at kung hindi dumating si Zico at Kizo ay palalagpasin na lang niya ang nangyari.
Matagal na siyang nagtitiis sa hindi magandang trato ng ibang mga miyembro at marahil ngayon lamang ito nalaman nila Zico. Wala naman na sa kaniya kung pati ang pangyayaring ito ay
