Chapter 31
“Hindi po kasi siya nakakasunod ng maayos at bilang pagsunod sa ating patakaran ay ibinigay ko ang karampatang parusa para sa kaniya ngunit hindi ko inaasahan na magtatanim siya sa akin ng galit at babalikan niya ako.”
Hindi siya makapaniwala sa kaniyang mga naririnig. Binabaligtad ni Tala ang nangyari at pinapalabas nito na siya ang nagsimula ng gulo. Ngunit alam niya naman na hindi maniniwala si Zico, kilala siya nito.
“At ano ang sumunod na nangyari? Bakit nasangkot sa gulo ang tatlong kalalakihan na ito?” tanong ni Kizo.
Nanataling nakataas ang kaniyang ulo habang ang tatlong lalake ay nakayuko pa rin, pati na si Tala na nagsasalita. Hindi na niya kailangan pang ipaliwanag ang sarili niya, kung ang paniniwalaan ni Kizo ay ang mga ito ay wala na siyang magagawa.
Alam nam
