Chapter 25
Nagpatuloy ang pagsasanay ni Sayah. Hindi man naging madali ang mga ibinigay ni Xen na pagsasanay ng mga sumunod na araw ay hindi siya sumuko. Ang kagustuhan niyang maging malakas upang maipaghiganti ang pamilya at makatulong sa mga tao sa nayon ang nagbibigay sa kaniya ng dahilan para magpatuloy.
Hinid rin siya iniwan ni Pika, habang nagsasanay siya ay palagi itong nasa tabi niya. Madalas siyang mapilay o mabaliaan sa tuwing tatawid siya sa ilog at malakas ang agos ng tubig.
May mga pagkakataon na muntik na siyang mamatay dahil sa hirap ng pagsasanay sa vantress. Matapos ng ilang buwan ay nakita niya ang pagbabago sa kaniyang sarili. Hindi na rin siya kasing payat ng dati, nagkaroon na ng laman ang kaniyang katawan dahil sa masusustansiyang pagkain na inihahanda ng mga taga
