Chapter 57
Ni minsan ay hindi niya pa nakausap ang mga ito pero nagkaroon siya ng pagkakataon na makalaban ang dalawa nang bigyan sila ng pagsasanay kung saan kinakailangan na maglaban ng lahat ng miyembro.
“Hindi na ba tayo tutuloy sa parke?” tanong ni Pika.
Nahimigan ni Sayah ang lungkot sa boses ng kaibigan. Napatingin siya kay Xen at tumango naman sa kaniya ang lalake na parang sinasabi nito na maaari silang umalis at mamaya na lang ipaliwanag ang nangyari.
“Maaari naman tayong tumuloy ngayon, o hihintayin na natin si Kuya Nigel dito?” tanong ni Sayah.
Sabay na napatingin sa kaniyang gawi si Pika at Pen dahil sa sinabi niya.
“Hindi ba at kailangan na natin bumalik sa headquarters ng vantress para maibalita ang nangyaring ito kay Zico? Pati na kay Lolo Kizo, kasi tiyak na kakail
