Chapter 72
Nililinisan siya ngayon ni Uzni. May dala itong mga bulak at iba pang mga kagamitan na panggamot. Kahit na sinabi niya rito na wala siyang sugat ay nagpumilit itong tingnan pa rin siya.
“Dapat ay sinundan na kita kanina nang habulin mo ang bampira, ngunit biglang mayroon pang isang bampira ang lumabas at kinalaban iyon ni Jika, hindi ko naman maiwan ang ginang na ina nang batang naging bampira kanina.” Sabi ni Uzni.
Kumuha ito ng basang bulak at maingat na pinunasan ang kaniyang braso. Tinitingnan nito kung mayroong sugat doon.
“Kung ganoon ay dalawang bampira ang naroon kanina?” tanong ni Sayah.
Tumango naman si Uzni at pagkatapos ay kumuha ulit ito ng bulak.
“Nang habulin mo ang bampira ay susunod na sana si Jika para tulungan ka ngunit biglang may humiyaw hindi kalay
