Chapter 53
Pero noong unang kaarawan niya sa vantress mayroon pa siyang cake na si Pika mismo ang gumawa, pumunta rin si Pen at ang pamilya nito sa vantress upang dumalo sa kaniyang kaarawan. Simula noon ay pinaghahandaan na ng mga ito at ni Zico ang espesyal na araw niya.
“Nakita rin kasi ng mga lider ang husay mo sa pakikipaglaban, lalo na nang kalabanin mo si Master Jika halos limang taon na din ang nakalilipas. Namangha sina Master Lorcan at ang ibang mga lider ng vampire hunters. Napakagaling ng iyong pag-iwas at mga atake, sabi pa nga ni Master Driz ay sa edad na labing dalawa ay maaari ka nang maging isang vampire hunter.”
Masayang-masaya si Pika na nagkukuwento. Napangiti naman siya, hindi niya makakalimutan ang araw na iyon na nagsanay siya kasama si Jika. Napakagaling nito ng
