Chapter 54
“Saan ninyo balak mamasyal ngayon?”
Iyon ang tanong ni Nigel nang makapasok ito sa loob ng bahay. Kanina nang bumaba si Sayah at Pika para tawagin si Monse at ipaalam dito na kakain na ng tanghalian ay nakita nila ang dami ng mga mamimili sa labas.
Dahil sa dami ng mga nais bumili ng mga prutas at gulay ay sila muna ang tumao sa tindahan. Nakita ni Sayah na mailap ang ilang mga tao kay Pika, tama nga ang sinabi nito noon na hindi madalas pakisamahan ng ibang mga tao ang mga goblin na katulad nila.
“Kahit sa malapit sa parke, Kuya Nigel, mayroon daw palabas doon mamaya? May mga mang-aawit na pupunta, mayroong mga tutugtog ng iba’t-ibang klase ng mga instrumento. Gusto ko iyon makita!” sabi ni Pika,
“Ilang beses pa lang kasi akong nakakakita at nakakapanood ng mga nagpeperf
